Բանաստեղծությունների հանդեպ առհասարակ, իսկ հայրենասիրական բանաստեղծությունների նկատմամբ մասնավորապես հայ ժողովուրդն առանձնահատուկ ու ընդգծված պատկառական վերաբերմունք ունի: Շատերն են հանդես գալիս բանաստեղծական ասմունքով՝ հիացնելով ունկնդիրներին հայ գրողների բացառիկ գեղեցիկ գործերով:
Այս համատեքստում առանձնանում է հինգամյա Էմիլյա Մարգարյանի չքնաղ ու զգացմունքային ասմունքը, որի կողքով ոչ ոք չի կարող անտարբեր անցնել: Փոքրիկ Էմիլյան հաճախակի է իր համով ու ինքնատիպ արտասանություններով հանդես գալիս համացանցային տարատեսակ հարթակներում:
Ուշարժան և ակտուալ է փոքրիկի հատկապես վերջին կատարումը: Այս անգամ փոքրիկ Էմիլյան կատարում է Գ. Էմինի հայտնի ու սիրված ստեղծագործություններից մեկը՝ «Պարեց Սասունը…» բանաստեղծությունը:
Էմիլյան այնպիսի համով ու կյանքով լի է արտասանում այս գեղեցիկ, հայրենասիրական ստեղծագործությունը, որ կարծես երաժշտություն լինի՝ հնչող փոքրիկի բերանից:
Էմիլյան իր բանաստեղծական կատարումը նվիրել է մերօրյա հերոսներին՝ հայ զինվորներին:
Էմիլյայի անկրկնելի ու անչափ գեղեցիկ բանաստեղծական կատարումը ներկայացնող ուշագրավ տեսանյութը բերված է ստորև:
