Հիանալի բաղադրատոմս բուբլիկներ պարրաստելու համար: Պատրաստեք այն ձեր երեխաների հետ միասին: Համեղ, պարզ ու արագ:
Բաղադրիչները՝
✓ 3 ձվի դեղնուց
✓ 3 ճաշի գդալ թթվասեր
✓ 50 գր. կարագ
✓ 3-4 ճաշի գդալ շաքարավազ
✓ 75 մլ. տաք կաթ
✓ 1 թեյի գդալ չոր խմորիչ
✓ վանիլին
✓ մի պտղունց աղ
✓ 2.5-3 բաժակ ալյուր
✓ մի բուռ չամիչ ըստ ցանկության
Պատրաստման եղանակը՝
Բոլոր բաղադրիչները պետք է լինի սենյակային ջերմաստիճանի:
Կաթի մեջ լուծել խմորիչը, դնել մի կողմ:
Կարագը լավ հարել, ավելացնել 1 ձվի դեղնուց եւ 1 ճաշի գդալ շաքարավազ: Հարել մինչեւ դառնա միասեռ զանգված: Նույն կերպով ավելացնել մնացած դեղնուցներն ու շաքարավազը, ապա ավելացնել աղ, թթվասեր եւ վանիլին, հարել:
Մեկ անգամ եւս լավ հարել, լցնել կաթով խմորիչը: Ավելացնել մաղած ալյուրը (ավելացնել չամիչ, եթե ցանկանում եք):
Լավ հունցել խմորը մի քանի րոպե:
Տեղափոխել բուսական յուղով պատած թասի մեջ, թողնել 1 ժամ թաք տեղում:
Պատրաստի խմորը թեթև հունցել, ձեւավորել 10 բուբլիկ, թողնել 15 րոպե, ջեռոցը հասցնել 180-200 աստիճանի:
Բուբլիկների վրա դեղնուց քսել և շաքար ցանել: Տեղադրել ջեռոցում, թխել մինչև դարչնագույն:
Բարի ախորժակ: