Լրագրող Աբրահամ Գասպարյանը մի տեսանյութ է ներկայացրել, որտեղ դիմում է հանրությանն ու սթափեցնող կոչեր անում։ Տեսանյութում նա ցուցադրում է երեկվանից մեծ տարածում գտած լուսանկարներ, որտեղ է, որ պահվում են Արցախյան վերջին պատերազմում ընկած տղաների մասունքները։
«Փաշինյա՛ն, նայեք այս նկարներին, նայեք և գիշերը չքնեք, Փաշինյանի սրբազան՝ կովի պես պաշտող զոմբիլենդի շահառուներ, լավ նայեք։ Սրանք մեր տղերքն են։
Նրանք պիտի պահվեն կարտոֆիլի պարկե՞րի մեջ։ Սա՞ է մեր արժեքը։ Սա՞ է հայ ժողովրդի բարոյական ընկալումների դաշտը։ Փաշինյանը չգիտի՞ այս ամենի մասին, թե՞ դարձյալ ուղեղներդ անջատած պիտի ասեք՝ նախկիններն են մեղավոր։
Ե՞րբ եք սթափվելու․․․Դուք մարդկային որևէ արժանապատվություն ունե՞ք․․․»,- ասել է լրագրողը և կոչ արել անհաղորդ չմնալ և մնալ իրականության մեջ։
Ապա դիմել է ընդդիմությանը և հորդորել, որ մի կողմ թողնեն նախընտրական քարոզարշավն ու իշխանության համար պայքարը։ Աբրահամ Գասպարյանի տեսաուղերծին առավել մանրամասն կարող եք ծանոթանալ վարը․
