ԿԳՄՍ նախկին նախարար, այժմ վարչապետի գլխավոր խորհրդական Արայիկ Հարությունյանը Հրայր Թամրազյանի հետ զրույցում մի քանի հետաքրքրական հարցերի պատասխաններ է հնչեցրել։
Զրույցի սկզբում խոսել են ընտրակեղծիքների վերաբերյալ, ինչին ի պատասխան Հարությունյանը պատմել է, որ վարչապետն ասել է․ «2 ձեռքս կկտրեմ՝ թույլ չեմ տա գեթ մեկ քվե կեղծվի»։ Հարրությունյանի խոսքով՝ հենց այդպես էլ եղել է։ Խոսել է նաև Երևանի քաղաքապետ Հայկ Մարությանի մասին, ինչը վերջին շրջանում բավականին շատ է քննարկվում։
Վերջին շրջանում Երևանի քաղաքապետը կարծես չի երևում, ինչն էլ հիմք է հանդիսացել տարաբնույթ խոսակցությունների։ Խոսում են Մարությանի մոտալուտ հրաժարականի մասին։ Այս մասին Արայիկ Հարությունյանը ցավ ու ափսոսանք է հայտնել Մարությանի նման կեցվածքի համար։
Ընդգծել է, որ վերջինս նախընտրական փուլում չի աջակցել ՔՊ-ին, նաև շեշտել է, որ Մարությանը քաղաքապետ ընտրվեց մեծամասամբ ՔՊ-ի շնորհիվ։
Անկեղծորեն հայտնել է, որ ներկայումս իրենց թիմում քաղաքապետի հետ կապված քննարկումներ չկան, սակայն ապագայում պետք է այնպես արվի, որ քաղաքը և քաղաքային իշխանությունը չտուժի։ Այս և այլ մանրամասների մասին կարող եք դիտել վարը ներկայացված տեսանյութում։