Սպարապետ Վազգեն Սարգսյանն անմահացավ, ավաղ, չունենանալով կին և երեխաներ: Գուցե, նրա զավակներն էլ իր նման լինեին հոգով անկոտրում, չընկրկող: Վազգեն Սարգսյանի չլրացվող բացը նրա ծնողների համար փորձում է լրացնել սպարապետի եղբոր որդին՝ Կառլեն Սարգսյանը, ով զարմանալիորեն արտաքնապես կարծես իսկապես հորեղբոր՝ Վազգեն Սարգսյանի որդին լինի:
Երբ 1989 թ.-ին ծնվել է Վազգեն Սարգսյանի եղբոր՝ Արմեն Սարգսյանի որդին, Վազգեն Սարգսյանը կեսկատակ ասել է. «Նա իմ որդին է, գնացեք ձեր համար ուրիշ երեխա բերեք»:
Հարցազրույցներից մեկի ժամանակ Կառլեն Սարգսյանը պատմել է, թե ինչքան հոգատար է եղել հորեղբայրը իր նկատմամբ, երբեմն ծնողից ավելի:Ի դեպ, Կառլեն Սարգսյանն այն երեխան է, որ Վազգեն Սարգսյանը վարչապետի պաշտոնն ստանձնելուց հետո առաջինն էր նստեցրել իր աթոռին:
Կառլեն Սարգսյանը մինչև այժմ էլ զգում է հորեղբոր աջակցությունը: Նրա մեջ փոքրուց տպավորված է եղել, որ Վազգեն Սարգսյանը իր և ընտանիքի թիկունքին է միշտ, չափահաս դառնալուց հետո հորեղբոր դիմանկարն է դաջել իր թիկունքին:
Կառլեն Սարգսյանը սովորել է Հայկական պետական տնտեսագիտական համալսարանում, ամուսնացած է, ունի երեխաներ:
