Ամառային բանջարեղեններից սմբուկը, որն օժտված է անչափ շատ օգտակար հատկություններով, պատրաստման հազարավոր բաղադրատոմսեր ունի։
Ներկայացնում ենք դրանցից մեկը, որը յուրահատուկ է և համեղ է ստացվում։ 1 անգամ փորձելուց հետո կրկին ցանկություն կլինի պատրաստելու։ Կարևոր է նաև այն հանգամանքը, որ բաղադրամասերը հեշտ գտնվող են և քիչ։
Անհրաժեշտ է՝
Սմբուկ — 2 հ․
Օսլա — 3 ճ․գ․
Պղպեղ — 1 հ․
Սխտոր — 1 ատամիկ
Սոյայի սոուս — 4 ճ․գ․
Կանաչ սոխ, համեմ — 1 փոքր փունջ
Մեղր — 3 ճ․գ․
Բուսայուղ — 5 ճ․գ․
Քունջութ` ըստ ցանկության
Եվ այսպես, սմբուկը կեղևահանել, լվանալ և 15 ր թողնել աղաջրի մեջ, որից հետո ջրքամել և շաղախել օսլայի մեջ։ Տապակել բուսայուղում և դնել անձեռոցիկի վրա, ապա տեղափոխել մատուցվող տարայի մեջ։
Պատրաստեք սոուսը․ Բուլղարական պղպեղը կտրատել քառակուսիներով, միացնել մանրացված սոխը, համեմը և մնացած բոլոր բաղադրամասերը, միախառնել և լցնել տապակված սմբուկի խրթխրթան կտորների վրա։ Ահա և վերջ, վայելեք անմահական ուտեստը։
