Հրաշք երգչուհի Սիլվա Հակոբյանն այսօր ընտանիքի հետ Ծաղկաձորում էր։ Նա հիանալի հանգստյան օր է անցկացրել՝ կիսվելով մի շարք լուսանկարներով։ Իհարկե, հետևորդների ամենասիրելին հրաշք Միլայի լուսանկարներն են։
Ժպտերեսիկ գեղեցկուհին, իրապես, բոլոր լուսանկարների զարդն է։ Կապուտաչյա գեղեցկուհին ոճային կերպարով է՝ բաց կապույտ ջինսեր, սպիտակ շապիկ և արծաթագույն բոկոտիկներ։
Կարևորը՝ մայրիկի պես է հագնվել։ Սիլվան նույնպես ճերմակ կիպ շապիկ է կրում և ջինսե լայն տաբատ՝ մեծ անցքերով։
Ոճային լուքը Սիլվան ճերմակ մարզակոշիկներով է ամբողջացրել։ Երգչուհին թեթև շպարված է, մազերն էլ ուղիղ հարդարած։
Երեկոյան, երբ եղանակը մի փոքր ցրտել է, փոքրիկ Միլան երկարաթևք շապիկ է կրում՝ ոճային զոլերով։
Հրաշք բալիկի մազերն արդեն բավականին երկարել են, և մայրիկը դրանք մազակալներով է ամրացնում։
Լուսանկարներում երևում են նաև Սիլվայի ամուսինը՝ Նորայր Մանուկյանը, և ընտանիքի մյուս անդամները՝ ուրախ սեղանի շուրջ։
