Ջո Բայդենի համացանցային հարթակը բավականաչափ ակտիվ է։ Բայդենի սոցհարթակով հետաքրքրված են միլիոնավոր օգտատերեր։
Նախագահն այնտեղ տարաբնույթ հրապարակումներ է կատարում, որոնք ներառում են ինչպես քաղաքական-աշխատանքային, այնպես էլ անձնական-ընտանեկան բովանդակությամբ տեղեկատվություն։ Այս անգամ Բայդենը մի հրապարակում է կատարել, որը շատերի հավանումներին է արժանացել։
Նա հանրայնացրել է լուսանկար, որտեղ գեղեցիկ և նուրբ փիսիկ է պատկերված։ Լուսանկարին կից նախագահը գրել է․ «Բարի Գալուստ Բայդեն ընտանիք, Վիլլոու»։ Գրառումից հասկանալի է, որ նախագահի ընտանիքը որոշել է կատու պահել և Բայդեն ընտանիքը համալրվել է։
Փիսիկին շնորհել են Վիլլոու անունը։ Ջո Բայդենի այս հրապարակումը տասը հազարավոր հավանումների է արժանացել։ Տարբեր երկրներից քաղաքացիներ մեկնաբանել են փիսիկի լուսանկարը։
Այդ մեկնաբանությունները տարաբնույթ են՝ շնորհավորանքներից մինչև զավեշտ, սակայն հիմնականում գովեստի խոսքեր են հղել նախագահին և նոր անդամին։ Իսկ Վիլլոուի լուսանկարը կարող եք դիտել նյութին կից։
