Ողջ շաբաթն աշխատած և հոգնած մարդն արժանի է, որ շաբաթվա ավարտն անցկացնի համեղ սեղանի շուրջ, հեաքրքիր միջավայր ստեղծի և լավ ժամանակ անցկացնի, որն էլ թույլ կտա թուլանալ ու վերականգնել ուժերը։ Ահա ներկայացնում ենք մի բաղադրատոմս, որնայնքան համեղ է ստացվում, որ իր համով գերում է յուրաքանչյուրին։
Եվ այսպես, պատրաստեք հետևյալ բաղադրամասերը․
Տավարի միս — 900 գ՝ կտրատած
2 գազար՝ քերած
Սոխ ½ գլուխ՝ շերտատած
Կանաչ լոբի 450 գ՝ կիսել
Սխտոր 4 պճեղ՝ ճզմած
Ձեթ
Սոյայի սոուս 3 ճ.գ.
Քունջութի ձեթ 1 ճ.գ.
Եղեգնաշաքար 2 ճ.գ.
Իմբիր 1 թ.գ.
Սև պղպեղ
Պատրաստման ընթացքը ճիշտ կազմակերպելու համար հետևեք ներքոնշյալ կանոններին։ Միսը տապակել բուսայուղում, հավելել համեմունքները, տապակել։
Ավելացնել եղեգնաշաքարը, 2 ճ.գ․ սոյայի սոուսը և քունջութի ձեթը։ Շարունակել տապակել, դատարկել թավայի մեջից։ Թավայի մեջ լցնել սոխը, գազարը, լոբին և ձեթով տապակել։
Ավելացնել 1 ճ.գ. սոյայի սոուսը, տապակել ևս 2 ր, ավելացնել ճզմած սխտորը, ապա` տապակած միսը, խառնել։ Մատուցել սպիտակ բրնձով և վերջ, կարող եք ճաշակել հրաշալի համը։