Նոյեմբերի հինգին տեղի ունեցած հանրահավաքի ժամանակ Նանե Իսրայելյանի սուր հարցադրումներն ուղղված Ռոբերտ Քոչարյանին համացանցային լայն քննարկումներ էր առաջ բերել։
Այսօր այս մասին համացանցային իր տիրույթում խոսել է նաև Լևոն Քոչարյանը։ Նա նշել է, որ Խաչատուր Սուքիասյանը հիստերիա բարձրացրեց լրագրողի հարցադրումներից, երբ վերջինս չափը չէր էլ անցել։
Լևոն Քոչարյանն իր գրառման մեջ նշելով և դիմելով Խաչատուր Սուքիասյանին՝ գրել է․ «Խաչատուր Սուքիասյան, չորս տարի և ավել շարունակ ինչ հարցեր ասես, որ չեն տալիս լրագրողները, որոշները բարոյականության չափն անցնելով (ի դեպ սրանց մասով ասում են ձեր հետ կապ ունեն):
Պատկերացնո՞ւմ եք, եթե ինձ չկարողանայի տիրապետել ինչ տխուր պատկեր կստացվեր, օրինակ՝ այնպես ինչպես ձեզ մոտ եղավ այսօր(ձեր դեպքում լրագրողն ի դեպ ոչ մի սահման չի անցել):
Դե, իսկ հիստերիկայի մյուս մասի հետ կապված դատարանում բացատրությունը կտաք»։
