Բոթ իսկական դարձավ լուրը, որ մահացել է ընտանիք՝ 4 հոգի։ Ալլա Վարդանյանի ու Արմեն Մարությանի աղջկա ընտանիքն է եղել։
Oգոստոսի իննին, ժամը չորսին Երասխ Մեղրի ճանապարհին։ Ալլան ու Արմենը երկու դուստր ունեն, ու չորս թոռ։ Աղջիկները երաժիշտներ են։ Մահացած աղջիկը երաժշտական դպրոցում է դասավանդում։ Դժվարակիր, դժվարատար ցավ է, որի հետ բախվեց Մարությանների ընտանիքը։ Դժոխաբեր վթարը խլեց չորս լուսավոր անձի կյանք։
Ցավոք, նման դեպքեր ամեն լինում են ու երթևեկության պրոբլեմները Հայաստանում անչափելի են։ Փորձանքներ, ողբերգական դիպվածների մասին ամեն օր ենք լսում ու սոսկում ենք պատկերացումից եղածի։ Մի ամբողջ ընտանիք վայրկրյանների ընթացքում հեռացավ ու աչքը թաց թողեց հարազատների։
Համբերություն, դիմացկունություն Մարությաններին, այս խրթին, անտանելի վիճակում։ Թող լուսավորվի հոգիները մահացածների ու խաղաղվի։ Գույժը ցնցեց բոլորին առավոտ շուտ, ու երանի ֆեյք լիներ լուրը, սակայն ցավոք եղելություն է։
Ցավակցում ենք Մարության ընտանիքին, հարազատներին։
