ՌԴ և ՀՀ արտգործնախարարների մասնակցությամբ ասուլիսին լրագրողը հարց է ուղղել Արա Այվազյանին։ Նշել է, որ Ադրբեջանի վանդալիզմի դրսևորումները անհաշիվ են։
Հիշեցրել է հայ եկեղեցու ոչնչացման և Ղազանչեցոցի արտաքին փոփոխության մասին։ Լրագրողը հարցրել է, թե ԱԳՆ-ն ի՞նչ քայլեր է ձեռնարկում վերոնշյալ խնդիրների շուրջ։ Այվազյանը պատասխանել է, որ համագործակցում են UNESCO-ի հետ և հույս է հայտնել, որ կհասնեն ձեռքբերումների։
Այնուհետև ասել է, որ պատմամշակութային ժառանգությունը մարդու իրավունքների վերաբերյալ է և ՄԱԿ-ի մարդու իրավունքների զեկուցողները անդրադարձ են կատարել և կոչ ուղղել Ադրբեջանին։
Վերջինս ականջալուր չի եղել կոչին ևցույց է տվել միջազգային կառույցների, հանրության և իրավունքի նորմերի հանդեպ արհամարհական վերաբերմունք։ «Շուշիի Մայր Տաճարը պետք է մնա հայ առաքելական եկեղեցու պաշտամունքի վայր», — ավարտել է խոսքը նախարարը։
Հայ հանրությունը ողջունել է նախարարի պատասխանը և հորդորել դիվանագիտական սերտ կապերը մեծացնել։ Ասուլիսից հատվածը կարող եք դիտել ստորև․