Միասին պատրաստենք շոկոլադե կեքս հետևյալ ձևով, անպայման գրեք բաղադրատոմսը:
Անհրաժեշտ բաղադրիչները՝
— 200 գր. ալյուր
— 100 գր. շաքարավազ
— 5 հատ ձու
— 200 գր. շոկոլադ
— 200 գր. կարագ
— 1 պտղունց աղ
— 30 գր. կակաո
— 1 թեյի գդալ փխրեցուցիչ
Պատրաստման եղանակը՝
1. Գոլորշու վրա հալեցնել շոկոլադը:
2. Շաքարավազը, կարագը, աղը լավ հարել և մեկ առ մեկ ձվերը ավելացնել:
3. Ալյուրը, փխրեցուցիչը, կակաոն և հովացած շոկոլադը միասին խառնել: Ավելացնել ձվով զանգվածին: Լավ հարել:
4. Քանի որ այս կեկսերը մենք պատրաստվում ենք թխել բաժակների մեջ, պետք է բաժակների պատերին քսենք յուղ կամ ցանենք ալյուր:
5.Խմորը լցնել բաժակները 2/3 մասով, ոչ լիքը: Տաք ջեռոցում թխել 20 րոպե:
Երբ կեքսերը սառչեն, կարող եք դանակով պոկել բաժակից, կամ մատուցել հենց բաժակով:
Մատուցել պաղպաղակով կամ ցանկացած կոնֆիտյուրի հետ: