Նորություն չի լինի, երբ ասենք, թե որքան անհրաժեշտ ու կարևոր է նախաճաշը մարդու օրգանիզմի համար։ Եվս մեկ անգամ ցանկանում ենք կրկնել, որ այն երբեք բաց մի թողեք և հետևեք ձեր օրգանիզմին ու այն առողջ պահեք։
Օրվա մեջ, թերևս, նախաճաշն ամենակարևորն է։ Առաջարկում ենք մի հիանալի նախաճաշ, որն այնքան հարուստ է վիտամիններով ու անհրաժեշտ էլեմենտներով, որ անմպայման պետք է փորձել։
Եվ այսպես, ավոկադոյով նախաճաշ։ Դե իսկ ավոկադոն հայտնի է իր օգտակարությամբ։ Ավոկադայով նախաճաշը դեռ երբեք այսքան համեղ չէր եղել:
Անհրաժեշտ է՝
2 պինդ խաշած հավկիթ
Կես հասունացած ավոկադո
Աղ, սև պղպեղ
Մի քանի ճյուղ կանաչ սոխ
1ճ/գ թթվասեր+ կես ճ/գ մայոնեզ
Հավկիթը և ավոկադոն մանրացնել, համեմել, լավ խառնել, ստացվածը քսել կտրատած հացիկների վրա, վրան զարդարել մանրացված կանաչ սոխով և մատուցել։ Թեյի հետ այն ուղղակի անմահական է ստացվում։