Երեկ շատերը Փաշինյանների հետ անկեղծորեն ուրախացան նրանց միակ զավակի՝ Աշոտի բանակից վերադառնալու փաստով: Շնորհավորական հրապարակումներից զատ համացանցում հայտնվեցին նաև Աշոտի ծառայակից ընկերների ուշագրավ պատմությունները Աշոտի զինծառայության շրջանի մասին:
Փաշինյան քույրերը ևս սոցցանցային իրենց էջերում հանրայնացրին բանակից նոր վերադարձած եղբոր հետ իրենց առաջին լուսանկարները: Նրանք առավել ակտիվ են հատկապես ինստագրամյան հարթակում:
Այսօր ինստագրամյան իր էջում Մարիամ Փաշինյանը ևս մեկ նոր լուսանկար է հանրայնացրել եղբոր հետ՝ կցելով բավականին հուզիչ գրառում: Նա լուսանկարին կից գրել է, որ Աշոտն իր ամեն ինչն է:
Լուսանկարում երևում է, որ քույր ու եղբայր միասին բացօթյա մի սրճարանում սրճում և զրուցում են:
Մարիամի կարոտի այսօրինակ դրսևորումները բնական և տրամաբանական են: Նա եղբոր հետ գրեթե հասակակից է:
Նրանք միասին բավականին դժվարին տարիներ են անցկացրել, երբ հայրը քաղաքական խնդիրների պատճառով իրենցից հեռու է գտնվել:
