Լրագրող Սագո Արեյանը հեռախոսազրույց է ունեցել Մարալ Նաջարյանի հետ, ով նոր է վերադարձել Ադրբեջանից։
Մարալի վերադարձի առիթով ուրախացել են շատերը, իսկ նրա վերադարձը հնարավոր է եղել մի շարք անհատների և կառուցների համառ ջանքերի շնորհիվ։
Մարալը պատմել է, որ թե ինչպես են ամուսնու հետ Շուշվա ճանապարհին հանդիպել ադրբեջանական զինվորականներին, ովքեր էլ նրանց քննել են գալու և գնալու ուղղությունների ու նպատակների մասին։
Վերցնելով անձնական իրերը՝ խոստացել են բաց թողնել, եթե ամեն ինչ կարգին լինի։ Հենց ամուսնու՝ Վիգենի հեռախոսի մեջ տեսել են նրա զինվորական հագուստով լուսանկարները, անմիջապես նստեցրել են մեքենա։
Մարալը խոստովանում է, որ առհասարակ հույս չի ունեցել, թե կարող է ողջ մնալ։ Նա շատ է վախեցել, իսկ իր հանդեպ վերաբերմունքն ընդհանուր առմամբ նորմալ է գնահատում։
Մարալի ու Սագո Արեյանի հեռախոսազրույցն ամբողջությամբ ներկայացնում ենք ստորև կցված նյութի մեջ։
