Երեկ երեկոյան տարածված տեղեկատվության, կադրերի համաձայն Մասիսի քաղաքապետարան է ներխուժել քաղաքացի, ով սպառնալիքներ է հնչեցրել։ Ավելի ուշ լրատվությունը հայտնեց, որ ներխուժած քաղաքացին նախկինում աշխատել է տվյալ համայնքապետարանում և հանդիսացել է որպես ավագանու անդամ։
Հատնի է դարձել նաև քաղաքացու, նախկին ավագանու անդամի ինքնությունը․ նա Էդվարդ Մարգարյանն է, ով ամենայն հավանականությամբ գտնվել է հոգեկան ոչ սթափ վիճակում։ Հայտնում են նաև, որ քաղաքացին ինքնասպան է եղել։
Տեղում աշխատել են ոստիկաններ։ Ոստիկանության աշխատակիցներից մեկը՝ Նարեկ Սարգսյանը, իր խոսքում նշում է, որ Էդվարդ Մարգարյանը հայտնաբերվել է գլխի շրջանում վնասվածքով և անշնչացած մարմնով։
Շրջանառվում են որոշ լուրեր, ըստ որոնց՝ Էդվարդ Մարգարյանը ինքնասպանություն է գործել քաղաքապետի աթոռին նստած։ Ինքնասպանություն գործած քաղաքացին եղել է երեսունվեց տարեկան։ Նշվում է նաև, որ նա պատերազմի մասնակից է եղել։
Ուներ ընտանիք և զավակներ։ Ցավակցում ենք ընտանիքին, հարազատներին և ընկերներին կատարվածի համար։
