Մակարոնով մեքսիկական աղցանը դասական ուտեստ է Մեքսիկայում։ Այն պատրաստված է կարմիր լոբիով, բանջարեղենով, պանրով և սոուսով։ Իսկ չիլի պղպեղն անմահական համ է հաղորդում ուտեստին՝ մեքսիկական նոտաներով։ Բաղադրիչների չափը վերցնում եք ըստ ճաշակի։
Պատրաստելու համար անհրաժեշտ է
Թարմ եգիպտացորեն
Մակարոն
Լոլիկ
Կարմիր լոբի
Ավոկադո
Այծի պանիր
Կարմիր սոխ
Աղ և սև տաքդեղ
Սոուսի համար անհրաժեշտ է
Մայոնեզ
Հունական յոգուրտ
Լայմի հյութ
Համեմի սերմ
Սխտոր
Չիլի պղպեղի փոշի
Պատրաստման եղանակը
Տապակեք եգիպտացորենը մի քանի րոպե, թողեք սառչի, ապա վրայից կտրեք հատիկները։
Եփեք մակարոնները 3 րոպե։
Սոուսի բաղադրիչները հարեք և դրեք սառնարանի մեջ, որ սառը լինի։
Ամանի մեջ խառնեք մակարոնը, կտրատած լոլիկը, ավոկադոն, պանիրը, եփած կարմիր լոբին, կտրատած սոխը։
Աղ ու սև պղպղեղ արեք։
Սառնարանից հանեք սոուսը և լցրեք աղցանի վրա, խառնեք և մատուցեք։
Բարի ախորժակ։
