Երգչուհի Աննա Դովլաթյանը հանրությանը հայտնի դարձավ Շանթ հեռուստաընկերությամբ հեռարձակվող «Հայ սուպերսթար» նախագծից։ Նա ամուսնացել է դերասան Դավիթ Աղաջանյանի հետ։ Երջանիկ զույգը մշտապես հանրության ուշադրության կենտրոնում է։
Ուշադրությունն առավել շատացավ, երբ ծնվեց նրանց հրաշք դուստրը՝ Կարինան։ Նորաթուխ մայրիկը շատ հաճախ կիսվում է փոքրիկ աղջնակի լուսանկարներով և տեսանյութերով և պատմում նրա բնավորության, նախասիրությունների մասին։
Աննան հաճախ կիսվում է նաև երեխայի խնամքի վերաբերյալ մանրամասներով, ինչպես նաև իր առօրյայով։ Վերջերս նա հայտնել էր, որ փոքրիկի խնամքով զբաղվում են բացառապես ինքն ու ամուսինը և Կարինան շրջապատված է հեքիաթային սիրով։
Նշել էր, որ չի վստահում դայակին։ Երգչուհու հետևորդները մեծ ուրախությամբ են հետևում, թե ինչպես է մեծանում Աննայի և Դավիթի դուստրը։
Այս անգամ երգչուհին հանրայնացրել է դստեր լուսանկարները, որտեղ երևում է, թե ինչպես է մեծացել հրաշք փոքրիկը։
Ավելի վաղ Աննա Դովլաթյանը հանրայնացրել էր իր լուսանկարը։ Մեկնաբանություններում հետևորդները հանդես են եկել հաճոյախոսություններով։
