Շատերը կհիշեն, որ քսան օր առաջ՝ հուլիսի 23-ին, Աշտարակի ճանապարհին ողբերգական ելքով վթար եղավ: Մեքենայում գտնվում էր ընտանիք: Ընտանիքի հայրը ծանր վիճակով փոխադրվել էր «Արմենիա» հիվանդանոցային համալիր, մայրը, ցավոք սրտի, մահացել էր:
Մեքենայում էր եղել նաև ընտանիքի երեք ամսական փոքրիկը, ում ևս փոխարդել էին հիվանդանոց: Սուրբ Աստվածամայր հիվանդանոցային համալիրում տասը օր երեք ամսական փոքրիկը պառկած է եղել անգիտակից վիճակում:
Հիվանդանոցային համալիրի լրատվության բաժնի պատասխանատու Գևորգ Դերձյանը հայտնում է, որ բժիշկների նվիրված գործունեության և մասնագիտական պրոֆեսիոնալ ջանքերի շնորհիվ տասը օր անց հրաշք է տեղի ունենցել, ու փոքրիկի մոտ ոչ միայն վերականգնվել է գիտակցությունը, այլև նա կարողացել է ինքնուրույն շնչել:
Եվս տասը օր տևած բուժման արդյունքում փոքրիկը ապաքինվել է ու այսօր արդեն հրաժեշտ է տվել հիվանդանոցային պատերին: Նրան տուն են ուղարկել, քանի որ առողջական վիճակը կայուն է, վտանգ չկա այլևս:
