Վերջին ամիսներին հայ ազգը ծանր օրեր ունեցավ։ Պատերազմից ի վեր հայ հանրությունը շարունակում է սգալ և ուսերին կրել կորուստները․ ոմանք որդի են կորցրել, եղբայր, ամուսին, ոմանք՝ տուն։ Իսկ կան նաև մարդիկ, ովքեր ութ ամիս շարունակ որևէ լուր չունեն և դա խենթանալու աստիճան դաժան է։
Այդ հերոս տղաների հարազատներն ամեն ժամ ու վայրկյան սպասում են նրանց վերադարձին։ Վերջերս էլ գերությունից տասնհինգ տղաների վերադարձը երջանկություն պարգևեց նրանց ընտանիքներն և վառեց տասնհինգ ընտանիքը տան մարած լույսերը։
Այս օրերին լուր էր ստացվել, որ անհետ կորած տղաներից գտնվել է մեկը, որն այս օրերին իրական հրաշքի է նման։
Գտնվել է Անանյան Սարգիսը։ Հերոսը ողջ է: Ծնվել է 2000 թվականին։ Ծառայել է Վայքի զորամասում։ Սարգիսն ընթացքում տեղափոխվել է Ջաբրայիլ։ Հոկտեմբերի 7֊ից տեղեկություն չկար և համարվում էր անհետ կորած։ Սարգիսը դեռ տուն չի վերադարձել։
Լրացուցիչ տեղեկատվություն կտրամադրվի հարազատների թույլտվությամբ, երբ տղան կլինի տանը։
