Լույս իջնի ձեր բոլորի հոգիներին, մեր հերոս եղբայրներ։ Դուք միշտ կապրեք մեր խոսքում, հոգիներում ու մտքում։ Ձեր անունները միշտ կհնչեն բարձր, որ լսելի լինեն բոլորին։
Ապագա սերունդը տղաների սխրանքով պետք է դաստիարակվի, կրթվի ու կյանք մտնի, որ վաղվա հայրենիքը հզոր ու անկոտրում լինի, որ սերունդներն այլևս երբեք մեր ապրած քառասունչորս երկար ու բիրտ օրերը չտեսնեն, որ առանց հոր, առանց եղբոր, առանց կողակցի և առանց որդու չմնան։
Հզորանալ է պետք․․․․Որ գլխիկոր չմնանք նրանց առաջ, որ արժանանանք նրանց չապրած տարիներին։ Միակ ճիշտ ճանապարհը դա է։
Հայրենիք կերտած տղաներից է նաև Մովսես Սարգսյանը։ Ծնվել է 2001 թվականին, Երևանում։ Սկզբնական շրջանում ծառայել է Լուսակերտում, այնուհետև տեղափոխվել է Արցախ՝ Ներքին Հորաթաղ։ Սերժանտի կոչում ուներ։
41 օր պայքարելուց հետո Մարտակերտից Շուշի տեղափոխվելիս նոյեմբերի վեցին ընկել է։ Արցախի Նախագահի կողմից արժանացել է Արիության համար մեդալի։ Հերոսի մասին կարճ հոլովակը կարող եք դիտել ստորև․
