Հայտնի բլոգեր Լապշինը այս պահին գտնվում է Հայաստանում։ Նա Երևանի կենտրոնից լուսանկար է հրապարակել։ Այն արվել է Կասկադին մոտ գտնվող մի տարածքում, որտեղ մեծ փոս է։
Բլոգերը զարմանում է, որ այն միշտ կա։ Լուսանկարին կից նա գրառում է կատարել, որտեղ նրան հետաքրքրել է, թե ի՞նչ են պատմում զբոսաշրջիկներին հայ զբոսավարները այդ փոսի մասին։
Այնուհետև շարադրել է իր մտացածին պատասխանը․ բլոգերը ենթադրում է, որ ԽՍՀՄ տարիներից մտադիր են եղել այդտեղից ճանապարհը հասցնել մինչև Հաղթանակի զբոսայգի, բայց ժամանակավոր կասեցվել են աշխատանքները և երբեք աշխատանքների վերականգնման պահը չի գալիս։
Լապշինը այդ փոսը համեմատել է փտած ատամի հետ և հավելել, որ ինչպես երևում է, այն ոչ ոքի չի խանգարում։
Առաջարկում է հող լցնել և ծաղիկներ տնկել, քանի որ հասկանալի, որ միգուցե ֆինանսական հնարավորություն չկա խորհրդային տարիների այդ ծրագիրն ավարտին հասցնելու համար։ Կստացվի՝ քաղաքի կենտրոնում գեղեցիկ այգի Արարատի համայնապատկերով։