Վարդուհի Վարդանյանին հիշում են շատերը։ Վաղամեռիկ երգչուհին մնաց շատ շատերի հիշողության մեջ։
Իսկ նրա միակ որդուն՝ Ռուբենին, հետևում են շատերը և հետաքրքրվում նրա կյանքի իրադարձություններով, ուրախանում ձեռքբերումներով և հաջողություններով։
Ռուբենը գրեթե մեկ տարի է, ինչ ամուսնացել է և կազմել գեղցեիկ ընտանիք։ Նրա ընտրյալը Մերին է։ Նրանց ամուսնության քավորությունը վստահվել է Սիրուշոյի ընտանիքին, ինչպես որ խոստացել էր հենց ինքը՝ Սիրուշոն։ Զույգն արդեն սպասում է իր առաջնեկին։
Ինչպես հայտնել էր Մերին, նրանք դուստր են ունենալու։ Վարդուհի Վարդանյանի հարսիկը համացանցային հարթակում ակտիվ է և երբեմն հարց ու պատասխան ձևաչափում շփվում է հետևորդների հետ և պատասխանում նրանց հարցերին։
Այս անգամ վերոնշյալ ձևաչափում գերակշռող հարցերը եղել է նրանց ապագա դստեր անվան վերաբերյալ։ Մերին նշել է, որ դստերը պատրաստվում են շնորհել Վարդուհի անունը։
Մերին հավելել է, որ իրեն լավ է զգում և անհամբերությամբ սպասում է դստեր՝ փոքրիկ Վարդուհու լույս աշխարհ գալուն։
