Ընթրիքի սեղանը լրացրեք անմահական ջեռեփուկով, որը կհավանեն բոլորը։ Ջեռեփուկը պատրաստման հեշտ պրոցես ունի, բաղադրամսերն էլ անչափ պարզ և հասարակ են։
Անհրաժեշտ է՝
Խմորի համար՝
Տաք կաթ — 400 գ
Խմորիչ — 10 գ
Շաքարավազ — 2 թ․գ․
Աղ — 1 թ․գ․
Հավկիթ — 2 հ․
Կարագ — 60 գ
Ալյուր — 700-800 գ
Միջուկ՝
Կաղամբ — միջին չափի
Սխտոր — 1-2 ատամիկ
Սոխ — 1 հ․
Տոմատ — 2 ճ․գ․
Կարագ — 30 գ
Աղ և կարմիր պղպեղ
Ջուր — 100 մլ
Կարագի մեջ սոխը և սխտորը կարմրացնել, ապա միացնել մանրացված կաղամբը, ջուրը և տոմատը, խառնել, փակ կափարիչով եփել մինչ ամբողջ հեղուկը կգոլորշիանա, որից հետո համեմել, խառնել և թողնել մինչ կսառի։ Խմոր․ տաք կաթի մեջ լցնել խմորիչը, շաքարավազը, միախառնել և թողնել 15 ր։ Միացնել աղը, հավկիթը, հալեցված կարագ, մաղել ալյուրը, հունցել և ստանալ փափուկ խմոր։
1 ժամ թողնել հասունանա։ Հասունանալուց հետո բաժանել 2 մասի։ Առաջին մասը բացել գրտնակով՝ ոչ շատ բարակ, դնել յուղաթղթի վրա։ Մյուս մասը գրտնակել ավելի բարակ և կտրատելով ստանալ զոլեր։
Հաստ խմորի վրա փռել միջուկը, վրան կտորներով կարագ շարել․ ապա խմորե զոլերը մեկի մյուսի մեջ անցկացնելով՝ ձևավորել ջեռեփուկը։ Վրան պատել հարած հավկիթով և թխել 35 ր 180 աստիճան ջեռոցում։
