Բոլորիս էլ հաճելի է երեկոները հավաքվել ընտանիքի, ընկերների հետ և հաճելի մարդկանց հետ և անցկացնել մեր ժամանակը, որի ընթացքում առավել հաճելի է, երբ փոքրիկ , բայց անչափ համեղ քաղցրեղեն ենք ունենում։
Ահա այդպիսի հետաքրքիր և ընկերական հաճելի երեկոները լցնելու և գունավորելու համար պատրաստեք համով և հեշտ պատրաստման գործընթացով թխվածքաբլիթներ։ Այս թխվածքաբլիթները բացի համեղ լինելուց, նաև շատ օգտակար են և կարելի նաև տալ փոքրիկներին։
Անհրաժեշտ է՝
Հավկիթ — 1 հ․
Շաքարավազ — 5 ճ․գ․
Աղ — 1 պտղունց
Թթվասեր — 3 ճ․գ․
Կաթնաշոռ — 180 գ
Սոդա — 1 թ․գ․
Վանիլին — 1 պտղունց
Բուսայուղ — 1 ճ․գ․
Ալյուր — 180 գ
Չամիչ՝ ըստ ճաշակի (կարելի է և չավելացնել)
Հավկիթը շաքարավազի և աղի հետ հարել և լավ միախառնել, այնուհետև ավելացնել մյուս բոլոր բաղադրիչները, լավ խառնել, ավելացնել չամիչ կամ չորացրած այլ մրգեր կամ չավելացնել առհասարակ։
Տապակին փռել յուղաթուղթ, ձեռքերը թեթև բուսայուղ կամ ջուր քսել և թխուկներին տալ նմանատիպ տեսք, ինչպես պատկերված է լուսանկարում։ Թխել 180 աստիճան տաքացված ջեռոցում 15 րոպե՝ մինչ կարմրելը։
