Արցախը մեր բոլորի հայրենիքն է, մեր տունը և վահանը։ Հենց նրանով ենք մենք ամուր ու պաշտպանված։ Այսօր քաղաքական զարգացումներն այնպես են զարգանում, որ մեր հայրենիքի ճակատագիրը մտահոգում է բոլոիրիս։
Այս մասին քաղաքական վերլուծաբան, Եվրոպական կուսակցության նախագահ Տիգրան Խզմալյանը մշտապես նշում է, որ Արցախի համար պայքարել է պետք և լուրջ գործողություններ կատարել, նա նշում է, որ Արցախն ինքը պետք է որոշի քայլել փրկության ուղով։
Համացանցային իր տիրույթում Խզմալյանը ձկան մասին մի պատմություն է պատմել և այն համեմատել Արցախի փրկության հետ։
Նա մասնավորապես գրել է․ «Ջրից ափ իրեն նետած այս խեղճ ու մոլորված էակը նման է Արցախին։ Մարդիկ փորձում են փրկել նրան՝ քարերից հետ քաշելով դեպի ծով՝ նրա հարազատ տարերքը։
Եթե նա կրկին ու կրկին ինքն իրեն դուրս չնետի ջրից՝ հրաժարվելով օգնությունից և խենթի պես ենթարկվելով կեղծ նշաններին ու չար ձայներին՝ ապա մենք միասին կփրկենք նրան»։
