Խաղողը բացի նրանից, որ անչափ համեղ է, այն նաև օժտված է անհաշիվ օգտակար հատկություններով։ Այս միրգը սիրում և գնահատում են շատերը։ Խաղողն աճեցնելը դժվար չէ և խաղողագործությամբ շատ երկրներում են զբաղվում։
Ճապոնիայի քաղաքներից մեկում խաղողի յուրահատուկ տեսակ են կարողանում ստանալ, որը կոչվում է «Հռոմեական ռուբին»։ Խաղողի այս հազվագյուտ տեսակի մեկ ողկույզը ռեկորդային գնով է վաճառվել՝ 1,4 միլիոն իենով։ Այս գումարը համարժեք է 12,7 հազար դոլարին։
Տեղի լրատվականները հայտնում են, որ արդեն երեք տարի է, ինչ խաղողի այս տեսակի համար աճուրդ-վաճառք է կազմակերպվում։ Եվ ամեն անգամ թանկ արժեքներ են վճարել այդ խաղողի համար։ Սակայն այս անգամ գերազանցել են բոլոր սպասելիքները։
Այս տարի այն գնել է ճապոնական սուպերմարկետների ցանցի սեփականատերը։ «Հռոմեական ռուբին» խաղողի տեսակը սկսել են մշակել 2008 թվականից։
Խաղողի այս տեսակի յուրաքանչյուր հատիկն ունի պինգ-պոնգ գնդակի չափը, օժտված է բարակ կեղևով և ունի ալ կարմիր երանգ։
