Շոկոլադե յուրահատուկ համով կրեմ-աղանդը կուրախացնի շատերին։ Այն դյուրին է պատրաստելու համար և համեղ՝ վայելելու։ Հիանալի տարբերակ է բոլոր տարիքի շոկոլադի երկրպագուների համար։ Անպայման փորձեք պատրաստել։ Վստահ ենք՝ կհավանեք այս աղանդը և կդարձնեք այն ձեր սիրելի ուտեստներից մեկը։
Անհրաժեշտ է
Կակաո՝ 100 գ
Կաթ կամ սերուցք՝ 50 մլ
Շաքարի փոշի՝ 2 ճ/գ
Սերուցքային կարագ՝ 50 գ
Վանիլին, դարչին, ընկուզեղեն, չրեղեն՝ ըստ ցանկության
Պատրաստման եղանակը
Սերուցքը տաքացնել՝ չհասցնելով մինչ եռալը։ Զանգվածի մեջ լուծել շաքարի փոշին և վանիլը։ Ավելացնել դարչինը, ապա՝ կարագը։ Ստացված զանգվածին ավելացնել կակաոյի փոշին՝ փոքր չափաբաժնով և լավ խառնել՝ գնդիկներ չառաջանալու համար։
Պատրաստի զանգվածը թեթև տաքացնել գոլորշու կամ շատ թույլ կրակի վրա։ Ըստ ճաշակի ավելացնել ընկուզեղենը և չրեղենը։ Խառնել և, տեղափոխելով կաղապարների մեջ, դնել սառնարանը։ Աղանդը մատուցել սառը վիճակում։