Ալինա Մարտիրոսյանը թեև էկրաններին չէ, սակայն շարունակում է մնալ սիրված իր երկրպագուների կողմից։ Դերասանուհին ակտիվ է համացանցային տիրույթում և պահպանում է կապը երկրպագուների հետ։
Այս շրջանում դերասանուհու հրապարակումները, գրառումները հիմնականում քաղաքական բնույթ ունեն։
Բանն այն է, որ Ալինայի ամուսինը՝ նկարիչ Կարեն Արայանը, ով կուսակցության ղեկավար է և հայրենիքով անչափ մտահոգված, իր գործերում ներգրավել է նաև կնոջը։
Դերասանուհին այս անգամ մայրիկի հետ համատեղ լուսանկար է հանրայնացրել, որին կից գրառում է կատարել և շնորհավորել նրան։
Նա մասնավորապես գրել է․ «Ծնունդդ շնորհավոր, իմ աննման, սիրուն, հմայիչ, բարի մամուշկա ջան, Աստծո օրհնությունները միշտ քեզ հետ լինեն, թող քո բոլոր բարի նպատակները և աղոթքները հասնեն Աստծուն»։
Դերասանուհու հետևորդները նկատել են Ալինայի մայրիկի անչափ երիտասարդ տեսքը։ Նա ասես դստեր ընկերուհին լինի։ Բազմաթիվ օգտատերեր շնորհավորել են նրան ու բարին մաղթել։
