Մկրտիչ Արզումանյանն իր սոցցանցային էջում մի հետաքրքիր սկզբունք է մշակել: Հրապարակում է տարբեր հետաքրքիր լուսանկարներ՝ դրանց տալով ինքնատիպ ու հումորային մեկնաբանություններ:
Լինում են դեպքեր, երբ այդ մեկնաբանությունները համընկնում են օրվա տարբեր ակտուալ թեմաների հետ՝ ավելի ուշարժան դարձնելով դերասանի հրապարակումը:
Նրա հրապարակած բոլոր լուսանկարներն էլ ունեն իրենց պատմություններն ու հատուկ իմաստները: Հերթական լուսանկարը մեկուսացման թեմատիկայի մասին է:
«Հյուսիսային պողոտայի բանտարկյալը» արտասովոր հեշթեգով լուսանկարը դերասանը մեկնաբանել է հետևյալ կերպ. «Ի՞նչ տեսք ունի դերասանը 4 ամիս ներկայացում չխաղալուց հետո»:
Սենսացիոն լրատվական նյութի վերնագիր հիշեցնող այս մեկնաբանությունն առաջ է բերել դերասանի հետևորդների ծիծաղն ու հետաքրքիր մեկնաբանությունների տեղիք տվել:
Լուսանկարում դերասանը կապույտ մանկական գլխարկով է և խոշոր, կլորացրած աչքերով: Ինչպես հայտնի է, համավարակը միառժամանակ անգործ է թողել շատ դերասանների:
Ոմանք այդ մասին բարձրաձայնում են, ոմանք ակցիաներ անում, իսկ Մ. Արզումանյանը պարզապես հումորային լուսանկարներ է հրապարակում: