Ժամեր առաջ համացանցում կայծակնային արագությամբ տարածվեց լուր, ըստ որի՝ Սյունիքում հակառակորդը առաջխաղացում ունի։
Խոսվում էր այն մասին, որ Իշխանասարում սահմանազատման աշխատանքներ կատարելիս թշնամին օգտվել է առիթից, դադարեցրել սահմանազատման կատարվելիք աշխատանքները և առաջ շարժվել, այնուհետև տարածվեց, որ հակամարտություն է տեղի ունեցել և անգամ կան վիրավորներ, ընդհուպ մինչև՝ մարզերում զորահավաք են կատարում։ Սակայն ՊՆ-ն հերքեց լուրը՝ նշելով որ այն իրականությանը չի համապատասխանում։
Այնուհետև տեղի բնակիչները տեսանյութեր էին նկարում և տարածում ՝ ցույց տալով, որ Իշխանասարում կյանքն ընթանում է բնականոն հունով։ Ֆեյսբուքյան օգտատերերից մեկը ուղիղ միացմամբ ցույց է տվել, որ խուճապ չկա։
Օգտատերը տեսանյութում պատմում է, որ հակառակորդը փորձել է առաջ գալ, սակայն կարճ ժամանակամիջոցում նրա առաջխաղացումը կասեցվել է։ Իշխանասարում իրավիճակը խաղաղ է, բնակչությունը խուճապի մատնված չէ։
Իշխանասաում իրավիճակի մասին պատմող տեսանյութը կարող եք հետևել վարը կցված տեսանյութում։