Անահիտ Մուտաֆյանին ճանաչում են գրեթե բոլորը։ Դերասանուհին վերջին տարիներին ակտիվորեն քաղաքական գրառումներով է հանդես գալիս։
Նա, ինչպես հայտնի է, սատարում է Ռոբերտ Քոչարյանին։ Շատերն արդեն դերասանուհուն բեմի վրա մոռացել են, սակայն նա ունի երկրպագուներ, ովքեր ցանկանում են նրան քաղաքականությունից դուրս տեսնել և հիանալ խաղով։ Անահիտը օրերս նշել էր, որ բոլորը նշում են տոները, իսկ ինքը հիվանդ է։
Դերասանուհու մոտ նկատվում էր պասիվություն։ Եվ ահա ուշ երեկոյան նա դիմում է իր հետևորդներին և նշում, որ իրենց օգնության կարիքն ունի։ Դերասանուհին ցանկանում է հասկանալ՝ ցանկանում են իրեն տեսնել քաղաքական դաշտում, թե՞ լավ է ինքը իր մասնագիտությամբ զբաղվի։
Անահիտը մասնավորապես գրել է․ «Ընկերներիս, մտերիմներիս ու հետևորդներիս կարծիքի կարիքն ունեմ… Ի՞նչ կարծիքի եք շարունակեմ քաղաքական ակտիվությունս, թե՞ թողնեմ ամեն ինչ և անցնեմ իմ հին գործին՝ ստեղծագործեմ, խաղամ, նկարահանվեմ…»։
Մեկնաբանություններում օգտատերերն ակտիվ են եղել և մեծամասնությունը նշել է, որ ուրախ կլինեին Անահիտին տեսնել հին գործին։
