Նանե Արզումանյանը, ով պատերազմում կորցրել է եղբորը, ամեն օր դեռ պատերազմում է։ Պատերազմում է կյանքի անարդարությունների դեմ։
Նա իր եղբորորդիներին փորձում է տալ լավագույնը, լինել նրանց կողքին և ամեն րոպեն հնարավորինս ուրախացնել նրանց։ Օրերս նրա կրտսեր եղբորորդու տարեդարձն է եղել և հորաքույրը նրա օրը ուրախությամբ է լցրել։
Նա հուզիչ գրառում է կատարել․ «Արդեն 12 տարեկան իմ աշխարհ, շնորհավոր տարեդարձդ…Չափազանց հասուն իմ փոքրիկ, մենք ձեռք ձեռքի բռնած, կանցնենք կյանքի ցանկացած փորձություն։ Ես գիտեմ, հասկանում եմ, թե որքան դժվար է քեզ համար.
ընդամենը 12 տարեկանում անցել ես 2 պատերազմների միջով, թողել ես քո Ջաբրայելն ու եկել Երևան… «Նա՛ն, կարող ա գնամ Ստեփանակերտից տաքսի նստեմ, տանեն Ջաբրայել ու պապային տեսնեմ»…
Պապան քեզ միշտ տեսնում է, և դու պիտի ապրես այնպես, ինչպես նա էր ուզում՝ ամեն օրդ շատ երջանիկ և անհոգ, ինչի համար երբեք չեմ խնայելու որևէ բան»։ Կից՝ տեսանյութ։
