Ասմունքող Հրաչուհի Ութմազյանն այժմ հանդես է գալիս որպես հաղորդավար։ Նա հարցազրույցներ է ունենում հայտնի մարդկանց հետ, որոնք ուշագրավ ընթացք են ունենում, քանի որ Հրաչուհին հետաքրքրական հարցեր է ընտրում նրանց համար։
Օրերս նա մեկնել էր հանգստի և պարբերաբար ներկայացնում էր լուսանկարներ իր հանգստից և հետևորդների հետ կապ պահպանում այս հարթակում։ Այս անգամ հաղորդավարուհին փորձել է բարձրացնել օգտատերերի տրամադրությունը։
Նա հանրայնացրել է մի լուսանկար, որտեղ ներկայացել է ճերմակ խալաթով, սակայն այստեղ զվարճալին այն է, որ Հրաչուհին խալաթը համադրել է բարձրակրունկ կոշիկների և շքեղ ականջօղերի հետ։
Լուսանկարին կից նա գրել է․ «Վագրի տարին պաշտոնապես այսօր սկսվեց։ Էս նկարս հստակ 2022-ի իմ տրամադրությունն ա»։
Հրաչուհին նկատի է ունեցել, որ ըստ չինական օրացույցի վագրի տարին մեկնարկվում է փետրվարի մեկից։ Նրա հետևորդները ջերմ մեկնաբանություններ են կատարել և հավանումների արժանացրել լուսանկարը։
