Տիգրան Խզմալյանը, ով հանդիսանում է Եվրոպական կուսակցության նախագահը, հայտնի է իր հակառուսական հայացքներով։ Հայաստանի ճակատագրի բոլոր դժվարին իրավիճակների համար Տիգրան Խզմալյանը մեղադրում է Ռուսասատանին։
Նա իր բոլոր հարցազրույցներում պնդում է, որ Հայաստանը պետք վայրկյան առաջ դուրս գա ռուսական տիրապետությունից և նրա խոսքով՝ այդժամ միայն Հայաստանի ապագան կարող է նշմարվել։
Քաղաքական գործիչը հերթական գրառումն է կատարել, որը կրկին հակառուսական բովանդակություն ունի։ Նա մասնավորապես գրել է․ «Պուծինը զավթեց Ուկրաինան, Վրաստանը, Սիրիան, Մոլդովան, Արցախը։ Նրան դեմ է ողջ աշխարհը։ Եվ միայն հայերի մեջ կան ստրուկներ, ովքեր այդ դահիճին համարում են «փրկիչ»»։
Քաղաքական գործիչը ռուս-ուկրաինական պատերազմը խիստ դատապարտում է և ՌԴ նախագահին համարում չարիք, որի դեմ դիմակայել կարծես թե ոչ ոք չի կարողանում։
Սակայն նա պնդում է, որ Ռուսաստանի վերջը մոտ է, և Հայսատանը իր դիրքորոշումներում պետք է հստակություն դրսևորի։
