Մեր շուրջն այնքան բան է կատարվում, որից զարմանալ, վախենալ, նույնիսկ ահաբեկվել կարելի է․ ամենուրեք խառնաշփոթ է տիրում և մարդիկ չեն հասցնում հասկանալ և գիտակցել՝ որտեղ մնաց սերը և բարությունը։
Դժվար չէ բարություն, սեր տարածելը, սակայն մարդիկ կարծես դադարել են դա անել։ Դժվար չէ փողոցն անցող փոքրիկին ժպտալ, մեծին զիջել, մարդասեր լինել և սերունդներին էլ դա սովորեցնել։
Կյանքի հիմքն էլ հենց սերն ու բարությունն է։ Կորցնելով դրանք՝ կորցնում ենք ամեն բան և դադարում գոյություն ունենալ։ Այս նյութում ներկայացնում ենք մի մուլտֆիլ, որը սիրո մասին է։
Կարծում ենք համացանցային տիրույթում, որտեղ առատություն է և ինֆորմացիոն հոսքն անծայրածիր, այս մուլտֆիլմը ձեզանից շատերն են հասցրել ինչ-որ ժամանակ տեսնել։ Բայց այն այնքան արդիական է, որ արժի ևս մեկ անգամ էլ դիտել և եզրահանգումներ կատարել։
Մուլտֆիլմը սիրո մասին է և լեցուն դրական բուռն էմոցիաներով։ Տեսանյութը՝ կից։ Մաղթում ենք բարի դիտում։
