Դդմիկով բլիթները շատերն են սիրում։ Դրանք համեղ են և անչափ օգտակար։ Յուրաքանչյուրն այս կոտլետների համար ունի իր բաղադրատոմսը։ Այստեղ այն ներառում է դդմիկ, պանիր, սխտոր և կանաչ սոխ։
Անհրաժեշտ է`
4 դդմիկ, քերած
Աղ 1 թ.գ.
Ալյուր ½ բաժակ
Հալվող տեսակի պանիր ½ բաժակ, քերած
1 մեծ ձու
Կանաչ սոխ մանացված
Սխտոր 2 պճեղ՝ ճզմած
Սև պղպեղ ½ թ.գ.
Ձիթայուղ, տապակելու համար
Անցնենք պատրաստման գործընթացին։ Քերած դդմիկը աղ անել և թողնել մաղի մեջ մինչ ջրքամվի։ Դրա համար ձեզ անհրաժեշտ կլինի տասը րոպե։
Ապա ձեռքերի օգնությամբ լավ քամել այն։ Ավելացնել մնացած բաղադրամասերը, լավ խառնել։ Բուսայուղը տաքացնել, 2 ճ.գ.֊ի չափով խյուսից բլիթներ պատրաստել և կարմրացնել երկու կողմից։
Ալյուրի փոխարեն կարելի է նաև պաքսիմատ ավելացնել, որպեսզի ավելի խրթխրթան ստացվի։ Ըստ ճաշակի` կարող եք ավելացնել նաև ռեհան, համեմ կամ սամիթ։ Բարի ախորժակ։