Քանի դեռ մարդը հնարավորություն ունի օգտագործելու այգում աճած էկոլոգիապես մաքուր և օրգանիկ այս բանջարեղենը, ապա հնարավորությունը ոչ մի դեպքում բաց թողնել պետք չէ։ Դդմիկն օգտակար վիտամիններով հարուստ բանջարեղեններից մեկն է, որով պատրաստված ցանկացած ուտեստ համեղ ու յուրահատուկ համային հատկանիշ է ձեռք բերում։
Այս բանջարեղենով պատրաստված կոտլետներն ամենակտուալներից են, սակայն այս անգամ սիրով առաջարկում ենք դդմիկով պատրաստված բլիթներ, որոնց համից անհնար է կշտանալ։
Անհրաժեշտ է՝
Դդմիկ — 350 գ
Պանիր — 70 գ
Հավկիթ — 2 հ․
Ալյուր — 2 ճ․գ․
Փխրեցուցիչ — 5 գ
Աղ և պղպեղ՝ ըստ ցանկության
Դդմիկն ու պանիրն անցկացնել քերիչով՝ նախընտրելի է մեծ անցքերով քերիչ օգտագործել։ Եվ մնացած բոլոր բաղադրամասերը միացնել և լավ խառնել։ Ստացվում է ջրիկ զանգված, որն անհրաժեշտ է տապակել նրբաբլիթների նման ՝ յուղաթղթով նախապատրաստած ձևամանում ջեռոցի մեջ։
Բլիթները կարող եք մատուցել ճաշին, ընթրիքին՝ համադրելով ցանկացած ուտեստի, աղցանի հետ։ Բարի ախորժակ։
