Գուրգեն Դաբաղյանը իր երկրպագուների համար նորություն ունի։ Նա հայտնել է, որ շուտով հանդիսատեսի դատին կներկայացնի «Յար ջան» երգի հիման վրա նկարահանված տեսահոլովակը։
Տեսահոլովակում մասնակցություն է ունենալու երգչի կինը՝ Իննա Դաբաղյանը։ Գուրգենը հայտնել է, որ այդ որոշումը կայացրել են ռեժիսորի հետ։
Տեսահոլովակի նկարահանման աշխատանքները բարդ չեն եղել՝ չնայած նրան, որ Իննան առաջին անգամ է նկարահնավել։ Տեսահոլովակում պարային դրվագներ կան, որոնց մասնակցել է Իննան։
Առանձնապես չի դժվարացել, քանի որ պարուհի է։ Ամուսիններն առաջին անգամ են միասին աշխատել և անհարմարության զգացողություն չեն ունեցել։ Քանի որ արդեն բավականին երկար ժամանակ է, ինչ Գուրգեն Դաբաղյանը լուռ է, նշել է, որ այս տեսահոլովով կարելի է համարել, որ վերադառնում է։
Երգիչը նաև հայտնել է, որ ևս մեկ նոր երգ ունի, որի շուրջ աշխատանքներն ընթացքի մեջ են և հանդիսատեսին կներկայացնի արդեն աշնանը։
