Օրն ավարտեք մեզ հետ խոհանոցային հրաշալի նորույթով։ Այս նյութում ցանկանում ենք ներկայացնել անչափ համեղ մի բաղադրատոմս։ Այն իրենից ներկայացնում է օգտակար, հագեցնող ապուր բրոկոլիով։
Եվ այսպես, բրոկոլիով նրբահամ կրեմ ապուր պատրաստելու համար առաջարկում ենք նախապատրաստել նշված մթերքները՝
Կես գլուխ սոխ
1 պճեղ սխտոր
30 գ կարագ
1 կարտոֆիլ
Աղ, սև պղպեղ
500 գ թարմ կամ սառեցված բրոկոլի
1 լ ջուր
100 մլ սերուցք 10%-անոց կամ կաթ
Անցնենք պատրաստման գործընթացին։ Կարագի մեջ մի փոքր տապակել սոխը և սխտորը, համեմել, ավելացնել ջուր, կարտոֆիլ և եփել 15 ր մինչ կարտոֆիլները կփափկեն:
Այնուհետև անհրաժեշտ կլինի հավելել բրոկոլի և եփել ևս 7-10 ր (այնպես, որ գույնը հնարավորինս կանաչ մնա):
Անցկացնել բլենդերով, լցնել սերուցքը, սպասել եռա և վերջ՝ համեղ և օգտակար ապուրը պատրաստ է: Մատուցել չորահացով: Բարի ախորժակ և բարի պատրաստման ընթացք ենք մաղթում։ Բաղադրատոմսը պատկանում է Տաթևիկ Թորոսյանին։