Ինչպես հայտնի է, ամռանը սիրված երգիչ Գուրգեն Դաբաղյանի նորաստեղծ ընտանիքում նոր համալրում է եղել:
Ամռան երկրորդ ամսի 15-ին լույս աշխարհ է եկել ընտանիքի առաջնեկը, ում ծնողները, ի պատիվ սիրելի տատիկի, Շուշաննա են անվանել:
Զույգը այժմ էլ շարունակում է գտնվել Ռուսաստանում:
Շուշաննան հենց այնտեղ է լույս աշխարհ եկել:
Ամռան ամիսներին Գուրգեն Դաբաղյանն ու կինը հաճախ էին իրենց ամառային զբոսանքներից, ինչպես նաև նորածին փոքրիկի առօրյայից կադրեր հրապարակում:
Սակայն սեպտեմբերի վերջին սկսված պատերազմը ինչպես շատերին, այնպես էլ Դաբաղյանների ընտանիքին միառժամանակ համացանցային լռության մատնեց՝ հասկանալի պատճառներով:
Երեկ Իննա Դաբաղյանն ի վերջո հանրայնացրել է դստրիկի առաջին համացանցային լուսանկարները՝ նշելով, որ մինչ այս չի արել, քանի որ հաշվի է առել առկա իրավիճակն ու հասարակության համընդհանուր տրամադրությունը:
Լուսանկարներում փոքրիկ Շուշաննան շատ գեղեցիկ է: Արդեն լրացել է փոքրիկ աղջնակի հինգամսյա հոբելյանը:
