Արամ Սարգսյանի հերթական սոցցանցային հրապարակումը քաղաքականությունից դուրս է. այն իր դստեր մասին է: Իր հերթական հրապարակման մեջ Ա. Սարգսյանը պատմում է, որ դուստրը սովորում է Գերմանիայի Մյունխեն քաղաքում:
Ա. Սարգսյանը նաև գրում է, որ դուստրը՝ Գրետիկը, արձակուրդներին ամեն տարի վերադառնում էր հայրական տուն, սակայն այս տարի իրավիճակը մի փոքր այլ է եղել:
Համավարակային իրավիճակի պատճառով ստեղծվել էին որոշակի դժվարություններ, ու Մյունխենում ուսանող Ա. Սարգսյանի դուստրը չի կարողացել ժամանակին հայրենիք վերադառնալ:
Բայց որքան մեծ է եղել հայրական ուրախությունն ու առհասարակ ցնծությունն ընտանիքում, երբ դուռը բացել է հայրը և տեսել Գերմանիայում ուսանող դստերը: Անակնկալն իսկապես ստացված է եղել, իսկ ուրախությունն անսահման:
Ա. Սարգսյանն իր հրապարակումը եզրափակել է Աստծուն փառք տալով, գոհունակություն և շնորհակալություն հայտնելով: Սարգսյանների ընտանիքին այդ գեղեցիկ առիթով շատերն են շնորհավորական խոսքեր ուղղել Ա. Սարգսյանի սույն հրապարակման ներքո:
