Աղցաններն անչափ օգտակար են և հաճելի է այն համտեսել ինչպես ճաշին, այնպես էլ ընթրիքին։ Դրանք օգտակար են իրենց բանջարեղենային և այլ մթերքների պարունակության շնորհիվ։
Բերել ենք հերթական համեղագույն աղցանը, որը դուր կգա բոլորիդ։ Այն իր մեջ պարունակում է ինչպես բանջարեղեն, այնպես էլ սպիտակուցներ, որոնք այդքան անհրաժեշտ են մեր օրգանիզմին։
Եվ այսպես, առաջարկում ենք հավաքել հետևյալ բաղադրամասերը՝
Աղցանի համար`
Խոշոր բլղուր — 1 բաժակ՝ եռման ջրով թրջած
Ոսպ ֊ 1 բաժակ՝ եփած
Եգիպտացորեն -1 տուփ՝ պահածոյացված
Չերի լոլիկ — 6 հ․
Ավոկադո — 0,5 հ․՝ կտրատած
Հազարի տերև — 1 բաժակ՝ կտրատած
Սպանախ — 1 բաժակ՝ կտրատած
Խնձոր — 1 հ․՝ կտրատած խորնարդիկներով
Սոուսի համար`
Բուսայուղ — 1֊2 ճ.գ.
Կիտրոնի հյութ — 0,5 հ․
Աղ և սև պղպեղ
Պատրաստման եղանակը պահանջում է պատրաստման երկու փուլ՝ բուն աղցանի պատրաստում և սոուսի պատրաստում։
Առաջարկում ենք առանձին տարաներում միախառնել աղցանի և սոուսի բաղադրամասերը, ապա դրանք միախառնել միմյանց, որից հետո մատուցել։ Բարի ախորժակ, վայելեք։