Ժամանակակից դեսերտներն արմատապես տարբերվում են տարիներ առաջ եղած դեսերտներից։ Եթե կար ժամանակ, որ պանիրը կամ կաթնաշոռը որպես դեսերտ ներկայացնելը անհեթեթություն և անգամ ծիծաղելի կթվար, այսօր արդեն դրանք ուղղակի անմահական են և հրաշալիորեն լրացնում են սուրճի քաղցր սեղանը։
Այս անգամ ցաանկանում ենք ներկայացնել կաթնաշոռային քաղցրեղենի բաղադրատոմս, որը մշտապես պատրաստում է Գոհար Ավետիսյանը։ Նա կիսվել է այս համեղ բաղադրատոմսով և նշել, որ այն իր ընտանիքի կողմից անչափ սիրված է։
Եվ այսպես, անհրաժեշտ է՝
Կաթնաշոռ — 800 գ
Սպիտակաձավար — 5 ճ․գ․
Շաքարավազ — 5 ճ․գ․
Թթվասեր — 5 ճ․գ․
Հավկիթ — 4 հ․
Վանիլ — 1 տուփ
Այս ամենը միախառնել, անցկացնել բլենդերով։ Ձևամանը պատել կարագով, ապա լցնել զանգվածը, տեղափոխել 200 աստիճան տաք ջեռոց և այնտեղ թողնել 40 ր։
Զարդարեք առատ հատապտուղներով։
Այս համեղ ջեռեփուկը, որը հիշեցնում է համացանցային ինսթագրամյան լուսանկար, կարող է շատ կարճ ժամանկամիջոցում և առանց դժվարության ու ջանքերի հայտնվել ձեր սեղանին ու հաճելիորեն զարմացնել հյուրերին և ընտանիքի անդամներին։
