Ժամանակները փոխվում են և փոփոխության է ենթարկվում նաև խոհանոցը։ Ուտեստները բազմազան են դարձել և օր օրի դրանք համալրվում են նորերով։
Առանձնահատուկ տեղ են գրավում համեղ և յուրօրինակ ուտեստները։ Դրանք պահպանվում են՝ կրկին պատրաստելու ակնկալիքով։ Այս անգամ բերել ենք բոլորի կողմից սիրված նրբաբլիթների յուրատեսակ բաղադրատոմս, որն անվերջ կարելի է ուտել․ թեթև են և անչափ համեղ։
Անհրաժեշտ է՝
Ալյուր — 170 գ
Կաթ — 500 մլ
Պանիր՝ պինդ տեսակի — 150 գ
Հավկիթ — 2 հ․
Սխտոր — 1 ատամիկ
Սամիթ — 50 գ
Շաքարավազ — 1 թ․գ․
Փխրեցուցիչ — 1 թ․գ․
Աղ — 0,5 թ․գ․
Այս պանրային բլիթներն անչափ համեղ են ստացվում։ Դրանց պատրաստման համար անհրաժեշտ է, որպեսզի կաթն ու հավկիթները սառը չլինեն (մթերքների սենյակային ջերմաստիճանը պահպանեք)։ Հավկիթների վրա հավելել աղն ու շաքարավազը, խառնել և միացնել կաթը, կրկին խառնել և դնել մի կողմ։
Այժմ անհրաժեշտ է մաղել ալյուրը, փխրեցուցիչը և միացնել քերած պանիրը, այնուհետև կաթնային խառնուրդը դանդաղորեն միացնել չոր զանգվածին, հավելել սամիթն ու չզմած սխտորը, միախառնել և տապակել տաք թավայում առանց բուսայուղի։