Այսօր Հայաստանում օրը վատ լուրերով սկսվեց։ Ինչպես արդեն տեղակացրել էինք Ադրբեջանը նախահարձակ գործողություններ է սկսել Հայաստանի հետ սահմանին։
Վաղ առավոտյան պաշտոնական լրահոսն արդեն հայտարարել էր երկու վիրավորների և հինգ՝ դեռ չճշտված զինվորների մասին։
Ադրբեջանական կողմը որոշակի առաջխաղացում է ունեցել՝ գրավել էր հայկական դիրքերից մեկը, սակայն մարտական ճշգրիտ գործողությունների արդյունքում թշնամու զորքերը ետ են շպրտվել՝ տալով նրանց կորուստներ։ Այնուհետև ժամեր անց արդեն հայտնեցին երեք զոհերի և մյուս վիրավորների մասին։ Սակայն մեկ զինվոր դեռ շարունակվում էր որոնվել։
Ժամեր առաջ Գեղարքունիքի մարզպետ Գնել Սանոսյանը հայտնել է, որ տղան գտնվել է։ Նա վիրավոր է և գտնվում է ծայրահեղ ծանր վիճակում։ Նրան տեղափոխել են Երևան։ Զինվորը համապատասխան օգնություն է ստանում։
Նրան գտել են Վարդենիսում՝ դիրքի շրջակայքում և անմիջապես տեղափոխել են Վարդենիսի բժշկական կենտրոն առաջին օգնություն ցուցաբերելու նպատակով, որտեղից էլ համապատասխան միջոցառումներ կատարելուց հետո վիրավոր զինվորը տեղափոխվել է Երևան։
