Անի Զախարյանին ճանաչում են գրեթե բոլորը։ Անին տարիներ առաջ իր անկեղծ հայտարարություններից հետո չափազանց արագ տեմպերով ճանաչելիություն ձեռք բերեց։ Նա հայտարարեց, որ մուտք է գործում քաղաքականություն։ Հիմնեց կուսակցություն, որը կոչվում է «Հայաստանի նոր քաղաքական մշակույթ»։
Ամուսնությունից և երեխա ունենալուց հետո որոշ ժամանակ Անին ակտիվություն չէր ցուցաբերում, սակայն վերջին շրջանում նա կրկին բազմապիսի հայտարարություններով է հանդես գալիս։
Օրերս նա եթերներից մեկում հարցազրույց է ունեցել, խոսել է մեր իրականության վերաբերյալ և իր մոտեցումների ու քաղաքական պլանների մասին։
Իր կերպարի մասին խոսելիս՝ նշել է, որ ինքը չափազանց անկեղծ մարդ է և կարծում է, որ քաղաքականությունն այն ասպարեզն է, որտեղ անհրաժեշտ է գործել, զբաղվել պետություն կառուցելով, այլ ոչ դերեր ստանձնել։
Գտնում է, որ որոշ մարդիկ իրեն էպատաժային են համարում, սակայն Անին նկատում է, որ նա այնպիսին է , ինչպիսին կա։ Ինքն իրեն համարում է տարբերվող, քանի որ իր գեներով, անցած ուղով, ինչպես նաև ինքնազարգացման մեծ ձգտումով տարբերվող անհատ է։ Կարծում է, որ յուրաքանչյուր անհատ միջակությունից պետք է դուրս գա։
«Բնականաբար, էս միջակ ֆոնի վրա, գուցե, իմ կերպարը միշտ առանձնանում է»,- ասել է Անին։ Զախարյանի հարցազրույցի բոլոր մանրամասներին կարող եք ծանոթանալ ստորև կցված տեսանյութում։
