Աներևակայելի համեղ թխվածքաբլիթներ 10 րոպեում


Այս բաղադրատոմսով պատրաստված բլիթները կարող են ուտել շատ փոքրերը նաև։ Դրանք համադրեք մածունով։ Անչափ համով և դյուրին են ստացվում և որ կարևոր առավելություն է համարվում՝ անչափ արագ են պատրաստվում։ Համեղ բլիթներ ստանալու համար անհրաժեշտ է՝

Հավկիթ — 2 հ․

Շաքարավազ — 90 գ

Բուսայուղ — 80 մլ

Վանիլ — 1 թ․ գ․

Մեղր — 90 գ

Սոդա — 1 թ․գ․

Ալյուր — 480 գ

Հարած հավկիթներին հավելել շաքարավազը, հարել, ապա լցնել բուսայուղը, վանիլինը, մեղրը և խառնել։ Լցնել սոդա, խառնել, որից հետո շաղել ալյուրը և ստանալ փափուկ խմոր։

Փաթաթել թաղանթով և սառնարանի մեջ պահել 30 ր։ Բացել գրտնակի օգնությամբ և կտրել շեղանկյունների տեսքով, դնել յուղաթղթով պատած ձևամանի մեջ, վրան հավկիթի և կաթի խառնուրդ քսել, պատառաքաղով նախշել և թխել 180 աստիճան ջեռոցում 10 ր։

Համեղ է թեյով, սուրճով, մածունով, ինչպես որ կցանկանաք և կնախընտրեք ինքներդ։ Բլիթներն օրեր շարունակ թարմ տեսքը և համը պահպանում են։ Հավատացնում ենք՝ արժի փորձել։


Понравилась статья? Поделиться с друзьями:
error: Content is protected !!