Ղարիբը Հադրութի շրջանի Տող գյուղից էր. նա այնտեղ է ծնվել ու դպրոցական կրթության մի շրջանն անցել, հետո տեղափոխվել է Արևշատ ու ավարտել տեղի միջնակարգ դպրոցը:
Ղարիբի զինծառայության շրջանը բավականին հագեցած ու հաջող է անցել: Նա կրտսեր սերժանտի կոչում է ստանում, իսկ զինծառայությունից հետո որոշում է դարձյալ զինվորագրվել որպես պայմանագրային զինծառայող:
Այս ընթացքում է ավագ սերժանտի կոչում է ստանում և կարգվում ջոկի հրամանատար: Ղարիբն իր զինծառայության ընթացքում մեդալների ու պարգևների է արժանացել:
Եթե չլինեին ապրիլյան հայտնի դեպքերը, եթե ապրիլքսանչորսյան մարտերի ժամանակ վիրավորում չստանար ու չանմահանար Ղարիբն իր ընկերների հետ, ապա այսօր նա կնշեր ծննդյան երեսուներեքամյա հոբելյանը:
Նշենք, որ Ղարիբը երեք որդիների հայր էր: Զավակներն այսօր մեծանում են հոր պաշտպանած հողի վրա՝ հայրական սխրանքը սրտերում: Կինը՝ Աստղիկը, նշում է, թե նա որքան հարգված էր իր շրջապատում և զինծառայողների շրջանում:
